ئەمڕۆ (٩ی شوباتی ٢٠٢٥) سەرپەرشتیاری ئیدارەی گەرمیان، سەردانی بەڕێوەبەرایەتی گشتی پەروەردەی گەرمیان و بەڕێوەبەریەتی بازرگانی کەلوپەلی خۆرکی گەرمیانی کرد، بە بۆنەی دەستبەکاربوونی بەڕێوەبەری نوێی ئەو بەڕێوەبەرایەتیانە.

لە وێستگەی یەکەمی سەردانەکەیدا، جەلال شێخ نوری سەرپەرشتیاری ئیدارەی گەرمیان، سەردانی بەڕێوەبەرایەتی گشتی پەروەردەی گەرمیانی کرد و لەدیداری لەگەڵ مامۆستا عەدنان گەرمکی بەڕێوەبەری گشتی بە وەکالەت، هیوای سەرکەوتنی بۆ خواست و هەوڵ و ماندوبونی بەڕێوەبەری گشتی پێشووی پەروەردەی گەرمیانی بەرز نرخاند کە پاش چەندین ساڵ خزمەت خانەنشین بوو. هاوکات ئامادەیی ئیدارەی گەرمیانی پیشاندا بۆ پشتیوانی پەروەردەی گەرمیان.

لای خۆیشیەوە، مامۆستا عەدنان گەرمکی، سوپاسی سەرپەرشتیاری ئیدارەی گەرمیانی کرد بۆ سەردانەکەی و دواتر تیشکی خستەسەر کارەکانیان و رەوشی پەروەردە لە سنورەکە.

هاوکات هەر ئەمڕۆ، سەرپەرشتیاری ئیدارەی سەردانی بەڕێوەبەرایەتی بازرگانی کەلوپەلی خۆراکی گەرمیانی کرد و بەبۆنەی دەستبەکاربوونییەوە، وەک بەڕێوەبەر، پیرۆزبایی لە (نوریە عەبدولحەمید) بەڕێوەبەری نوێی بازرگانی کەلوپەلی خۆراکی گەرمیانی کرد و هیوای سەرکەوتنی بۆ خواست و پشتیوانی ئیدارەی گەرمیانی بۆ دوپاتکردەوە.