ئەمڕۆ (١٢ى شوباتى ٢٠٢٥) ، لەبەرامبەر بەدەمەوەهاتنى بۆ داخوازییەکانى کەسوکارى ئەنفالکراون و هەوڵە بەردەوامەکانى بۆ خزمەتى پرسى ئەنفال، رێکخراوى ١٤/٤ تایبەت بە پرسى ئەنفال، خەڵاتى رێزلێنانى بەخشیە سەرپەرشتیارى ئیدارەى گەرمیان.

لاى خۆیەوە، جەلال شێخ نورى سەرپەرشتیارى ئیدارەى گەرمیان، سوپاسى رێکخراوەکەى کرد بۆ خەڵاتەکەیان و رایگەیاند، خزمەتکردنى کەسوکارى سەربەرزى ئەنفالکراوان ئەرکى سەر شانمانە و ئەوەى پێمان بکرێت بۆ خزمەتکردنى کەسوکارى ئەنفالکراوان درێغى ناکەین.

هاوکات، رۆڵى رێکخراوەکانى بوارى جینۆسایدى ئەنفالى بۆ خزمەتى پرسى ئەنفال بە گرنگى زانى و ئامادەیی ئیدارەى گەرمیانى پیشاندا بۆ هاوکارى و هەماهەنگى بەردەوام لەگەڵ ئەو رێکخراوانە بە ئامانجى خزمەتى زیاتر بە پرسى ئەنفال.