ئەمڕۆ (٢٦ی ئایار) سەرۆکی لقی گەرمیانی یەکێتی زانایانی ئاینی ئیسلامی کوردستان بەیاوەری شاندێک لە ستافی لقەکەی سەردانی ئیدارەی گەرمیانی کرد.

لەو سەردانەدا، مەلا ئدریس ژاڵەیی سەرۆکی لقی گەرمیانی یەکێتی زانایان تیشکی خستەسەر کار و پرۆژەکانی سنوری ئیدارەی گەرمیان و دەستخۆشی لە سەرپەرشتیاری ئیدارەی گەرمیان کرد لە بەرامبەر بەرەوپێشچوون و گەشەپێدانی گەرمیان و وەرگرتنی رەزامەندی ئەنجومەنی وەزیران بۆ جێبەجێکردنی نۆ داواکاری ئیدارەی گەرمیان تەیبەت بە پرۆژەی جۆراوجۆر بۆ سنورەکە.

لای خۆیەوە، جەلال شێخ نوری سەرپەرشتیاری ئیدارەی گەرمیان، سوپاسی لقی گەرمیانی یەکێتی زانایان ئاینی کرد و جەختیکردەوە، لە بەگەڕخستنی هەوڵەکانی ئیدارەی گەرمیان بۆ خزمەتی زیاتری سنورەکە.

ئەوەشی خستەڕوو، لە ئێستادا لە گەرمیان لەسەرجەم سێکتەرەکاندا پرۆژەی خزمەتگوزاری لە جێبەجێکردندان و ئەم پرۆژە نوێیانەش وا دەکات بتوانین خزمەتی باشتر بە سنورەکە بکەین.