ئەمڕۆ (١ی حوزەیرانی ٢٠٢٥) بەڕێوەبەری گشتی بەنداوەکان لە وەزارەتی کشتوکاڵ سەردانی ئیدارەی گەرمیانی کرد.

لە دیداری لەگەڵ سەرپەرشتیاری ئیدارەی گەرمیان، رەحمان خانی بەڕێوەبەری گشتی بەنداوەکان، باسی لە کارەکانی فەرمانگەی بەنداوەکان لە گەرمیان کرد و باسی لە رۆڵی ئیدارەی گەرمیان کرد بۆ چارەسەکردنی کێشە و گرفتەکانی بەنداوەکان داواشیکرد، ئیدارەی گەرمیان هاوکار بێت لە تەواوکردنی و بەنداوی خۆرنەوەزان لە سنوری قەزای کفری.

هاوکات، ئەوەشی خستەڕوو، وەزارەتی کشتوکاڵ لە پلانیدایە بەنداوی کەلار (بەردەسور) بچێتە بواری جێبەجێکردەوە و بۆ ئەو مەبەستەش دوایان لە ئەنجومەنی وەزیرانی هەرێم کردووە بەپێی پلانی خۆی کاری لەسەر بکات.

لەبەرامبەردا، جەلال شێخ نوری سەرپەرشتیاری ئیدارەی گەرمیان، ئامادەیی ئیدارەی گەرمیانی خستەڕوو بۆ چارەسەرکردنی هەر کێشە و گرفتێک بێتە پێش بەنداوەکانی سنورەکە و تەواوکردنی بەنداوی خۆرنەوەزان، لەگەڵ ئەوەشدا جەختیکردەوە، لە گرنگی بەنداوی کەلار و ئەگەر لە داهاتوودا حکومەت بتوانیت جێبەجێی بکات ئەوا سودی زۆری بۆ ناوچەی گەرمیان و ناوچەکانی ناوەڕاستی عێراق دەبێت، بۆ ئەو مەبەستەش پشتیوای ئیدارەی گەرمیانی دووپاتکردەوە.