سەرۆکی کۆمەڵەی ڕۆشنبیری موختارەکانی کوردستان بەیاوەری سەرۆکی لقی هونەری موختارەکانی گەرمیان و سەرۆکی کۆمەڵەی کرێنشینانی گەرمیان و نوێنەرانی ناوەندی گەرمیانی رێکخراوە دیموکراتیەکان، سەردانی ئیدارەی گەرمیانیان کرد و لەلایەن سەرپەرشتیاری ئیدارەی گەرمیانەوە پێشوازیان لێکرا.

لە دیداری نێوانیان، جەخت لە هەماهەنگی نێوان موختارەکان و لایەنە پەیوەندیدارەکانی حکومەت کرایەوە و داواشیانکرد ئیدارەی گەرمیان هاوکار و پشتیوانیان بێت بۆ کار و چالاکیە رێکخراوەییەکان.

لای خۆیشیەوە، جەلال شێخ نوری سەرپەرشتیاری ئیدارەی گەرمیان، پشتیوانی و هەماهەنگی بۆ هەر چالاکی و هەنگاوێکی کۆمەڵەکەیان خستەڕوو کە بچێتە خزمەتی خەڵک و دامودەزگانی حکومەت.