ئەمڕۆ (٤ى کانوونى یەکەمى ٢٠٢٤) بە ئامادەبوونى جەلال شێخ نورى سەرپەرشتیارى ئیدارەى گەرمیان و قایمقامى قەزاى کەلار و بەڕێوەبەرى گشتى چاودێرى و گەشەپێدانى کۆمەڵایەتى گەرمیان و بەڕێوەیەرى پۆلیسى گەرمیان و بەڕێوەبەرى ژمارەیەک لە دامودەزگاکان، بەبۆنەى رۆژى جیهانى خاوەن پێداویستیەتایبەتەکان، لە پەیمانگاى نابیستانى گەرمیان چەند چالاکییەکى هونەرى ئەنجامدرا.

چالاکییەکان خۆى دەبینییەوە لە پێشەنگایەکى (شێوەکارى، کارى دەستى و شانۆگەرییەک) کە چالاکییەکان لەلایەن خودى خاون پێداویستیە تایبەتەکان ئامادە و پێشکەشکران.

لە میانەى بەڕێوەچوونى چالاکییەکاندا، جەلال شێخ نورى سەرپەرشتیارى ئیدارەى گەرمیان، رۆژى جیهانى کەمئەندامانى بەرز نرخاند دەستخۆشى لێکردن بۆ چالاکییەکانیان، هاوکات، ئامادەیی ئیدارەى گەرمیانى بۆ بەڕێوەبەرایەتى گشتى چاودێرى و گەشەپێدانى کۆمەڵایەتى خستەڕوو بۆ دابینکردنى پێداویستیەکان و خزمەتکردنى زیاترى چینى خاوەن پێداویستى تایبەت.