ئەمڕۆ ( ۱۰ی تشرینی یەکەمی ۲۰۲٤) بە چاودێری و ئامادەبوونی جەلال شێخ نوری، سەرپەرشتیاری ئیدارەی گەرمیان و قایمقامی قەزای کفری و بەڕێوەبەری گشتی شارەوانیەکانی گەرمیان و بەڕێوەبەری گشتی کارەبای گەرمیان و ژمارەیەک لە بەڕێوەبەری دامودەزگا حکومیەکان، بەردی بناغەی دوو شەقامی جوتساید لەگەڕەکی شۆڕش و گەڕەکی هەواری نوێ لە کفری دانرا.

ئەم دوو پرۆژەیە بەچاودێری جەلال شێخ نوری سەرپەرشتیاری ئیدارەی و بە سەرپەرشتی بەڕێوەبەرایەتی گشتی شارەوانیەکانی گەرمیان، لەلایەن سەرۆکایەتی شارەوانی کفرییەوە جێبەجێدەکرێن، بەجۆرێک گوژمەی پرۆژەی جوتسایدی گەڕەکی شۆڕش ٥٠٤ ملیۆن و ٨٧٠ هەزار دینار و گوژمەی پرۆژەی جوتسایدی گەڕەکی هەواری نوێ ٤٩٤ ملیۆن دینار لەسەر بودجەی وەبەرهێنانی وەزارەتی شارەوانی و گەشتوگوزار جێبەجێدەکرێت.