سەرپەرشتیاری ئیدارەی گەرمیان بە یاوەری بەڕێوەبەری گشتی تەندروستی گەرمیان، سەردانی بەڕێوەبەرایەتی خۆپاراستنی تەندروسی گەرمیانی کرد.

لەو سەردانەدا، لە نزیکەوە سەرجەم بەش و هۆبەکانی خۆپاراستنی بەسەکردەوە و وێڕای ئەوەی دەستخۆشی ئاڕاستەکردن، پشتیوانی ئیدارەی گەرمیانی دوپاتکردەوە بۆ چارەسەرکردنی کێشەکانیان و کارکردن لەسەر دابینکردنی پێداویستیەکانیان لەپێناو باشتر بەڕێوەچوونی کارەکانیان و پاراستنی تەندروستی هاوڵاتیانی سنوری ئیدارەی گەرمیان.

لەبەرامبەردا، کامەران محمەد ساڵح، بەڕێوەبەری خۆپاراستنی تەندروستی گەرمیان، سوپاسی سەرپەرشتیاری ئیدارەی گەرمیانی کرد بۆ سەردانەکەی و پاڵپشتی بەردەوامی و کارکردنی لەسەر دابینکردنی پێداویستیەکانیان.