ئەمڕۆ(٨ی ئایاری ٢٠٢٥) بەئامادەبوونی جەلال شێخ نوری، سەرپەرشتیاری ئیدارەی گەرمیان و جێگری سەرپەرشتیاری ئیدارەی گەرمیان بۆ کاروباری کارگێڕی و ژمارەیەک لەبەڕێوبەری فەرمانگە حکومیەکان، لە هۆڵی گەلەری بەڕێوەبەرایەتی گشتی رۆشنبیری گەرمیان، پێشانگایەکی تایبەت بە کارە هونەریەکانی بەهرەمەندی کۆچکردوو (پەیام حسن) ئەنجامدرا.

لەپێشانگاکەدا سەرجەم کارە هونەری و دەستیەکانی کۆچکردوو بۆ فرۆشتن خرانەڕوو کە لەسەر ویستی دایک و باوکی پەیام حەسەن داهاتی پێشانگاکە تەرخان دەکرێت کاری خێرخوازی.

جێی ئاماژە پێدانە لەماوەی ساڵانی رابردوودا کۆچکردوو پەیام حەسەن لەڕێگەی کارە دەستی و هونەریەکانی بەشداریکردوە لەچەندین پێشانگاو چالاکی هونەری و پاش چەندین ساڵ ملمانێ لەگەڵ نەخۆشی لە رۆژی (٢٩ی نیسانی ٢٠٢٥) کۆچی دواییکرد.